×

ملاحظة

Please enter your Disqus subdomain in order to use the 'Disqus Comments (for Joomla)' plugin. If you don't have a Disqus account, register for one here

مرشحون للهجرة السرية

خطوط
Powered by Spearhead Software Labs Joomla Facebook Like Button

 حسن الخضراوي - ريحانة برس

بغيت نوجه نداء للناس لي كتصل من اوطاط الحاج ومن فاس والدار البيضاء ومدن اخرى.. راه مكاينش شي حاجة اسمها الحريك فابور بالشمال، ومكايتش الفونتوم لي كيجي ياخذ الشباب من جنب الشاطىء ويمشي فحالو...ومافيا الهجرة السرية هي لي كتطلق بحال هاد الاشاعات باش تروج الحركة وتطلع الثمن، وهاد المافيا راها من التسعينات وهي كاينة ماشي عاد ظهرت دابا باش تنوض هاد الضجة كاملة.

داكشي لي كاتشوفو في الفيسبوك ماشي كولشي صحيح، والاشاعة فيه كتطغى على الواقع، وكل واحد كيدير السيناريو لي عجبو على شي فيديو او صورة، بشكل يحقق الاجندة ديالو الغامضة.
راه المافيا عمرها كتدي فابور، وراه المخاطرة داخل فلوكة او زودياك او جيت سكي...ماعمرها كانت مضمونة او سالمة، وراكم شفتو شحال غرقو ديال الضحايا والمآسي لي عاشتها العائلات ديالهم.
راه بعض الشباب في الشمال الله يهديهم غير كيقشبو بشي فيديوهات، وماشي بصاح ديك التعليقات لي كتلقاو عليها، لذلك لي فالراشيدية مثلا عمرو ما قرب للبحر او كيعرف كيفاش كتخدم مافيا تهريب البشر لي فيها ناس لا رحمة لا شفقة ومنهم شفارة وقطاعة ومدمنين وكولشي، كيبان ليه داكشي صحيح وكيدبر المركوب ويطلع للشمال يتسنى فونتوم جنب البحر...وهاد القضية يمكن تضحك لي عايش في الشمال، ولكن لي في جهة اخرى كتبان ليه حقيقة.
حقيقة الانسان ملي كيكون يعيش البطالة والتهميش، كتبان ليه اي حاجة للخلاص من الفقر يديرها، لكن خاص الانسان يخدم عقلو شوية وما يرميش راسو للتهلكة، وميغامرش من اجل مستقبل مجهول، حيت ماشي زعما الوصول للضفة الاخرى هو نهاية المشاكل ودخول ابواب السعادة...بالعكس راه المشاكل والاكراهات في كل مكان فهاد العالم.


منظر كيألم يا شباب ملي تشوف القاصرين وغيرهم كيعيطو في جنب الشاطىء، لقارب ديال دورية للبحرية الملكية، باش يهزهم يحركهم...واخرون كيلتحقو من مدن اخرى باش يشدو العسة جنب السواحل ديال الشمال، باش يجي قارب فونتوم يهزهم..واش هادي يقبلها العقل..؟!.
كاينة مشاكل اجتماعية وكاين البطابة وكاين الفساد...ولكن واش الحل هو يجي الشباب كامل يتسنى في جنب البحر فونتوم اشاعة باش يحرك...؟!!
الفقر والتهميش والبطالة ماشي قدر محتوم، صافي خاص الاستسلام امامه..هاذو مشاكل وكل المشاكل عندها حلول وهاد الحلول اهمها بنا وطن الديمقراطية والعدالة الاجتماعية والمؤسسات...ماشي الفونتوم المجاني والاشاعة لي كتطلق من جهات عارفة اش كتدير وكنتلقفوها احنا ونميوها، باش نعورو عينينا باصبعنا..
يمكن ما يعجكش النداء، ولكن هذا تقديري الشخصي يا اخي والله اعلم.

إقرأ أيضا :

مالكم ففي "تبان" النساء وحاملات صدرهن؟ مالكم في جلسات النساء؟

رشيد بوصيري : الملك يعفي، وشركته توظف

تجنيد الشباب أم تدجينه وإعادة تربيته على مبادئ الولاء

لبنانيون يتفاعلون مع "جوسلين_متّى" “قاضية التسامح بإصدارها هذا الحكم على مسلمينن”

BLOG COMMENTS POWERED BY DISQUS